អ្វីដែលត្រូវធ្វើនៅពេលព្រឹក ចាប់ផ្តើមថ្ងៃថ្មី របស់អ្នក

ការក្រោកពីព្រលឹម មិនមែន ជារឿងងាយស្រួល ប៉ុន្មាននោះទេ ចូលគេងយឺតពេល ញាំអាហារ ពេលយប់ច្រើន និង ចំណង់ក្នុងការសម្រាក នៅលើគ្រែពេញមួយថ្ងៃ ជាសញ្ញាណ មិនល្អ​ដល់សុខភាព ជាងនេះទៅទៀត ការចាប់ផ្តើមថ្ងៃរបស់អ្នក ទំនេះមិនបានល្អផងដែរ ជាថ្ងៃដែលធុញថប់ និងមិនសូវធ្វើអ្វី បានជាការ។ ខាងក្រោម ជាដំបូន្មានខ្លះៗ ដែលគួរដឹង ពីរបៀបដើម្បីចាប់ផ្តើមថ្ងៃ របស់អ្នក កាន់តែល្អប្រសើរ៖

១. ជំនះខ្លួនឯងក្រោកពីប្រលឹមទៀងទាត់ពេល
មនុស្សមួយចំនួន ដែលក្រោកពីដំណេកលឿន មិនស្រលាញ់គ្រែ នៅពេលព្រឹកនោះ​ ពួកគេធ្វើការ មានផលិតភាពខ្ពស់​​ (Productive) អារម្មណ៏ល្អ សុភាពល្អបរិបូណ៏ និង សប្បាយរីករាយ នឹង អ្វីដែលថ្ងៃថ្មី របស់គេនាំមក។

២. មើលពណ៌ដែលភ្លឺ
តាមទ្រឹស្ដី និយាយពីពណ៌ ប្រាប់ថាពណ៌ ដែលភ្លឺអាចជួយ រំញោចខួរក្បាល របស់យើង។ពណ៌បៃតង គឺ​ជាពណ៌ នៃធម្មជាតិ និង សុខភាព។ វាគឺជាពណ៌លម្អរមួយ ដែលល្អដល់ភ្នែក និង ជាពណ៌មានឥទ្ធិពលធ្វើអោយ ភ្នែកស្រឡះល្អ។

៣.ផឹកទឹក

 យើងដឹង អំពីតម្រូវការ ក្នុងការទទួលទានទឹក ពេញមួយថ្ងៃ ប៉ុន្តែអ្នកងាយនឹងភ្លេចថា ខ្លួនអ្នកខ្វះជាតិទឹក បន្ទាប់ពីការគេងលក់ពេលយប់ អស់រយះពេល ៧ ឬ ៨ម៉ោង។ ការផឹកទឹកពេលព្រឹក យ៉ាងហោចណាស់ ២ពែង នៅពេលភ្ញាក់ឡើង វាមិនត្រឹមតែ បំពេញបន្ថែមជាតិទឹកក្នុងរាងកាយ របស់អ្នកនោះទេ ប៉ុន្តែវាក៏អាចធ្វើអោយ សម្រួលប្រែប្រួល ការរំលាយអាហារបានដែរ។

៤.លំហាត់ប្រាណ
ប្រសិនបើអ្នក ដូចជា មនុស្សជាផ្សេងទៀតដែរ ដែលចំណាយពេលថ្ងៃ ធ្វើការរបស់អ្នក អង្គុយនៅនឹង តុមួយកន្លែង វាអាចជារឿងសំខាន់ណាស់ ក្នុងការឆ្លៀតពេលនេះ ដើម្បីពុតពេនខ្លួន លាតសន្ធឹងសាច់ដុំ របស់អ្នកឱ្យត្រឹមត្រូវ នៅពេលអ្នកក្រោកឡើង​ ធ្វើឱ្យចរន្តឈាមរត់ប្រសើរឡើង​និង​ ជួយដល់ឥរិយាបថ របស់អ្នកផងដែល។ ម្យ៉ាងវិញទៀត អ្នកគួរធ្វើលំហាត់ដកដង្ហើម បែបសមាធិផងដែរ។

៥.ញាំអាហារពេលព្រឹក
ចូរចាំថា បើទោះជាអ្នករវល់យ៉ាងណាក៏ដោយ សូមកុំរំលងអាហារពេលព្រឹក ក្នុងចំនោម អាហារទាំងបីពេល វាមានសារៈសំខាន់ ​ជាងគេ ព្រោះវាជាបណ្តុំរចំហេះ ផ្តល់ថាមពល ដល់សារពាង្គកាយរបស់អ្នក ដំបូងគេង។

៦.ធ្វើបញ្ជីការងារត្រូវធ្វើ
 ហាក់មានអារម្មណ៏ថា ស្ត្រេសក្នុងការចាប់ផ្តើមថ្ងៃថ្មីរបស់អ្នក? តាមការពិត ការសរសេរ បញ្ជីកិច្ចការ ដែលអ្នកត្រូវធ្វើ គឺគ្រាន់តែ កំណត់នូវអ្វីដែល គួរបញ្ចប់ថ្ងៃនេះ កំណត់កិច្ចការអាទិភាព ហើយអោយសមស្រប និងពេលវេលារបស់អ្នក។ អ្នកដែលបានសរសេរបញ្ជីនេះ ភាគច្រើន ដឹងថាត្រូវធ្វើអ្វី និង ផលិតភាពការងារ បានផលច្រើន។